2019 йил декабрла Олий Мажлис Қонунчилик палатаси ва Халқ депутатлари  вилоят ва туман Кенгашларига бўлиб ўтадиган сайловларга пухта тайёргарлик кўриш ва уни самарали ўтказиш мақсадида Нарпай туманида 2019 йил 13-18 август кунлари округ сайлов комиссия раислари 34 нафар, ҳамда участка сайлов  комиссия раисларидан 54 нафари  иштирокида семинар-тренинг машғулотлари  бўлиб ўтди.

Мустақиллигимизнинг 28 йиллиги муносабати билан Оқтош истироҳат боғида "Жонажон ўзбекистоним мангу бўл омон!" шиори остида  асосий тадбир ўтказиладиган жойларда байрамга тайёргарлик ишлари олиб борилмоқда.

Ҳукумат қарори (682-сон 17.08.2019 й.) билан Самарқанд давлат университети ҳузурида аниқ ва табиий фанларга ихтисослаштирилган мактаб ташкил этилди. Физика, математика, кимё ва биология фанлари бўйича иқтидорли ўқувчиларни танлаш, уларга замон талабларига мос чуқур билим бериш ихтисослаштирилган мактабнинг асосий вазифаларидан этиб белгиланди.

Жорий йилнинг 17 август куни тумандаги Бахт маҳалла фуқаролар йиғинида туман Маданият бўлими ходимлари томонидан маҳалла аҳлига хушкайфият улашиш ва истиқлол шарофати ила ҳурлик бахшида этган ватан туйғусидан янада фахр ва ифтихор ҳиссини қалбига жо қилиш мақсадида "ЖОНАЖОН ЎЗБЕКИСТОНИМ, МАНГУ БЎЛ ОМОН!" шиори остида концерт дастури ўтказилди.

Туман халқ таълими бўлимига қарашли умумтаълим мактабларининг янги ўқув йилига ва куз-қиш мавсумига тайёргарлик ҳолати бўйича бугунги кунда барча умумтаълим мактабларида ободонлаштириш ва кўкаламзорлаштириш ишлари олиб борилди ҳамда таъмирталаб жойлар таъмирланиб ўқув йилига тайёр ҳолатга келтирилди.