Янгиликлар

МАҲСУЛОТЛАР ЕТАРЛИ

“Гулистон” маҳалла фуқаролар йиғини аҳлига хизмат кўрсатувчи якка тартибдаги тадбиркор Лазиз Инақовга қарашли дўконда озиқ-овқат маҳсулотлари заҳираси етарли.

Туман ҳокими Ботир Жабборов озиқ-овқат маҳсулотлари нархлари, сифатини кўздан кечирди. Тадбиркорнинг  фаолиятига тўсқин бўлаётган муаммолар бор-йўқлиги билан қизиқди.

600 МЕТР АСФАЛЬТ

“Янгиариқ” маҳалла фуқаролар йиғини ҳудудидан ўтувчи асосий йўлнинг 600 метрига  асфальт ётқизилмоқда.  Туман ҳокими Ботир Жабборов йўл таъмирини кўздан кечириш баробарида ишчиларнинг муаммоларини ўрганди.

 

“ҚОЗИКЕНТ”ДА НАРХ-НАВО АРЗОН

Туман ҳокими Ботир Жабборов  “Қозикент” маҳалла фуқаролар йиғини ҳудудидаги якка тартибдаги тадбиркор Ҳусниддин Акабировга қарашли дўкон фаолияти билан танишди. Картошка, пиёз, ўсимлик ёғи ва бошқа озиқ-овқат маҳсулотлари нархларини кўздан кечирди.

ЯНГИ ИШ ЎРИНЛАРИ ЯРАТИЛАДИ

Туман ҳокими “Турон” маҳалласи ҳудудидаги табдиркорлик субъектлари фаолияти билан танишди.
Норбек Азимов раҳбарлик қилаётган “Асл барака” МЧЖда мебель ишлаб чиқарилмоқда. Бу ерда 4 нафар доимий, 10 нафар ёлланма ишчи меҳнат қилмоқда. Яқинда яна янги иш ўринлари яратиш режалаштирилган.
“Нарпай Мўмин блок” хусусий корхонаси (раҳбари Б.Ёрқулов)да кунига 2000 дона блок ғишт тайёрланади.
Туман ҳокими Ботир Жабборов тадбиркорларнинг муаммоларини ўрганди.

ЭКСПОРТБОП МАҲСУЛОТ

“Самарқанд Силк АО” масъулияти чекланган  жамият ишчилари пиллани қайта ишлаб,  ипак ва момиқ тайёрлашмоқда. Тайёр маҳсулот эса чет давлатларга экспорт қилинаётир.

Йил бошидан бугунга қадар  Эрон, Хитой ҳамда Ҳиндистон давлатларига 103 минг АҚШ доллари миқдорида маҳсулот экспорти амалга оширилди.

2015-2020 © Нарпай туман ҳокимлиги. Сайт яратувчиси: SAKTRM