Янгиликлар

Янги нодавлат оилавий мактабгача таълим муассасаси ўз фаолиятини бошлади

Тумандаги Чайкал маҳалла фуқаролар йиғинида "Ёғду" номли нодавлат оилавий мактабгача таълим муассасаси ўз фаолиятини бошлаши муносабати билан очилиш маросими бўлиб ўтди. Маросимда туман ҳокими Жабборов Ботир Шукурович янгидан фаолият бошлаётган оилавий мактабгача таълим муассасасининг келажакда ақлли, билимли, ватанини севадиган, иқтидорли ёшларни тарбияловчи масканга айланишига тилак билдириб келгуси фаолиятига омад тилади. Тадбирда яна тўққиз нафар ташаббускор тадбиркорларга туман ҳокимининг рухсатномалари топширилди.

"Умид ниҳоллари-2019" спорт мусобақасининг вилоят босқичи якунига етди

Муҳтарам Президентимизнинг ташаббуслари билан мамлакатимизда ўқувчи-ёшлар ўртасида спортни ривожлантириш, уларни оммавий равишда жисмоний тарбия ва спорт ҳаракатига жалб қилишга қаратилган уч бўғинли “Умид ниҳоллари”, “Баркамол авлод” ва  “Универсиада” спорт мусобақалари тизимли амалга оширилмоқда. Жорий йилда туманимизда "Умид ниҳоллари-2019" спорт мусобақасининг вилоят босқичи якунига етди. Ўсмирлар ўртасида спортнинг баскетбол тури бўйича спорт мусобақаси якунига етди ва ғолиб жамоалар эсдалик совғалари билан тақдирландилар.

Хотин-қизлар спартакиадаси ўтказилди

Туманидаги маҳалла фуқаролар йиғинларида яшовчи хотин-қизлар ўртасида "Хотин-қизлар спартакиадаси" ўтказилди. Бунда спортнинг бир қанча турларидан мусобақалар ташкил қилиниб якка тартибда ва жамоавий тарзда ўтказилди. Ғолиблар диплом ва эсдалик совғалари билан тақдирландилар.

Назаров Муҳиддин Назарович Самарқанд вилояти Нарпай тумани давлат солиқ инспекцияси бошлиғи лавозимига тайинланди

Назаров Муҳиддин Назарович Самарқанд вилояти Нарпай тумани давлат солиқ инспекцияси бошлиғи лавозимига тайинланди. Муҳиддин Назаров бунгача Самарқанд шаҳар давлат солиқ инспекцияси Камерал назорат бўлими давлат солиқ катта инспектори лавозимида фаолият олиб борган.

Умид ниҳоллари-2019 спорт мусобақаси бошланди

Муҳтарам Президентимизнинг ташаббуслари билан мамлакатимизда ўқувчи-ёшлар ўртасида спортни ривожлантириш, уларни оммавий равишда жисмоний тарбия ва спорт ҳаракатига жалб қилишга қаратилган уч бўғинли “Умид ниҳоллари”, “Баркамол авлод” ва  “Универсиада” спорт мусобақалари тизимли амалга оширилмоқда. Жорий йилда туманимизда "Умид ниҳоллари-2019" спорт мусобақасининг вилоят босқичи ўтказилмоқда. Ўсмирлар ўртасида спортнинг баскетбол тури бўйича спорт мусобақаси Нарпай туманидаги Болалар ва ўсмирлар спорт мактабида ўтказилмоқда.