Payshanba – profilaktika kuni munosabati bilan tuman hokimi va ichki ishlar bo‘limi boshlig‘i Islomobod mahallasi ahli o‘rtasida profilaktik suhbat o‘tkazdilar.

Unda jinoyatchilik hamda huquqbuzarliklarning oldini olish borasida so‘z borarkan, hududda shu kunga qadar sodir etilgan huquqbuzarliklar haqida ham fikr bildirildi.
________

Tuman favqulodda vaziyatlar bo‘limi xodimlari tomonidan Guliston mahallasi fuqarolari hamda hududdagi 27-umumtaʼlim maktabi o‘qituvchi va o‘quvchilari o‘rtasida profilaktik targ‘ibot ishlari o‘tkazildi.

Bunda kuz-qish mavsumiga tayyorgarlik ko‘rish, yong‘in chiqishining oldini olish choralari yuzasidan tushunchalar berildi.
________

Tuman hokimi Ipak yo‘li mahallasida xonadonma-xonadon yurib, aholi muammolarini o‘rgandi.

Fuqarolar tomonidan suyultirilgan gaz taʼminotidagi uzilishlar, bandlik, kredit, moddiy yordam olish masalalarida murojaatlar tushdi.

Taʼkidlash lozimki, keyingi paytlarda bir qancha ichki yo‘llar taʼmirlandi. Tuman yo‘llardan foydalanish unitar korxonasi xodimlari shu kunlarda Muqimiy mahallasining asosiy ko‘chasiga asfalt yotqizishmoqda.

Qisqa muddatda amalga oshirilayotgan bu kabi ishlardan aholi minnatdor.
_________

Tuman ichki ishlar organlari Probatsiya guruhida  nazoratdagi shaxslar ishtirokida profilaktik suhbat o‘tkazildi. Unda  viloyat IIB Probatsiya bo‘limining muhim topshiriqlar bo‘yicha katta inspektori Yahyo Fayziyev, tuman IIB boshlig‘i o‘rinbosari Akmal Hasanovlar ham ishtirok etdilar.