Hozirga qadar Narpay tumani tibbiyot birlashmasida bosh vrach lavozimida ishlab kelayotgan Parmonov Sherzod Baxramovich boshqa ishga o‘tayotganligi sababli egallab turgan lavozimidan ozod etildi.

Tuman tibbiyot birlashmasi majlislar zalida bo‘lib o‘tgan yig‘ilishda Samarqand viloyati sog‘likni saqlash boshqarmasi boshlig‘ining buyrug‘i o‘qib eshittirildi. Tuman hokimining o‘rinbosari, viloyat sog‘likni saqlash boshqarmasi mas’ul xodimi hamda “Nuroniylar” jamg‘armasi tuman bo‘limi raisi unga kelgusi ishlarida omad tiladilar.

Shuningdek, tuman tibbiyot birlashmasining mas’ul xodimlari soha uchun qilgan xizmatlarini e’tirof etib, o‘zlari va jamoa nomidan minnatdorchilik bildirdilar.

Tadbir soʻngida Sherzod Parmonovga to‘n kiydirilib, boshqarma boshlig‘ining maxsus tashakkurnomasi topshirildi.