Bugungi kunda yurtimiz bo‘ylab paxta-yig‘im terim ishlari avj pallada.

Mavsumni betalafot o‘tkazish, paxta hosilini nest-nobud qilmasdan terib olish, aholi daromadini yanada oshirish, terimchilarga munosib sharoit yaratib berish, mavjud muammolarni joyida bartaraf etishda tuman rahbar xodimlarining mas'uliyat bilan ish yuritishi muhim omil hisoblanadi.

Tuman hokimi sektor rahbarlari hamda tegishlilar ishtirokida tumandagi 1-sektor shtabi hududida yig‘ilish bo‘lib o‘tdi.

Yig‘ilishda paxta yig‘im-terim ishlariga jiddiy yondashish, belgilangan rejani o‘z vaqtida, qisqa fursatlarda bajarish, paxta maydonlarida terimchilar uchun yetarli shart-sharoit yaratish kabi bir qator muhim masalalar yuzasidan gaplashib olindi.

Shuningdek, kun tartibidagi energiya tejovchi texnologiyalardan foydalanish, aholi yer mol-mulk solig‘ini o‘z vaqtida undirish va boshqa masalalar yuzasidan tahliliy-tanqidiy ma'lumotlar muhokama etilib, mas'ullarga topshiriqlar berildi.

Hurmatli tumanimiz fuqarolari, paxta yig‘im-terim mavsumidan unumli foydalanib, ro‘zg‘oringiz uchun mo‘maygina daromad egasiga aylaning.