Tumanimizda 2025-yil hosili uchun g‘alla ekiladigan maydonlarni tayyorlash hamda g‘oza parvarishlanayotgan maydonlarga stimulyatorlarni qo‘llash bo‘yicha ko‘rgazmali seminar bo‘lib o‘tdi. Unda, tuman hokimi, Turkiya davlatidan kelgan mutaxassislar, soha mutasaddilari va fermer xo‘jaligi rahbarlari ishtirok etdi. 

Dastlab, G‘alaba MMTPdagi Shukur Jabborov nomli fermer xo‘jaligida birinchi va to‘rtinchi sektor hududidagi fermerlar uchun bo‘lib o‘tgan bo‘lsa, 2-sektor shtabi binosida ikkinchi va uchinchi sektor hududidagi fermer xo‘jaliklari uchun tashkil qilindi.

Yigʻilish davomida g‘alla va paxta ekinlarini to‘g‘ri parvarishlash natijasida yuqori hosil olish mumkinligi taʼkidlandi.

Shuningdek, g‘o‘za parvarishiga doir agrotexnik tadbirlarni o‘z vaqtida kechiktirmasdan o‘tkazish hamda vaqtida o‘g‘itlash borasida tavsiyalar berildi.