Tumanimizda mahallalarni bog‘lovchi ichki yo‘llar, nafaqat, tuman obodligi uchun, balki shu yerlik aholi uchun ham muhim ahamiyatga ega. Sababi, mahallalar har xil bo‘lgani bilan odamlarining to‘yi bir, marakasi bitta.

Shu sababli, ushbu yo‘llarni tartibga keltirish, shag‘allashtirish va asfalt yotqizish fuqarolarni quvontirmasdan qolmaydi, albatta!

Xabaringiz bor, Mang'it va Mushkent mahallalarini bog'lovchi 4K-559 avtomobil yo'li asfaltlash ishlari boshlangan edi.

Belgilangan rejaga muvofiq “Narpay tuman yo‘llardan foydalanish” DMning jonkuyar ishchi xodimlari tomonidan ushbu avtomobil yo‘lining qolgan 1.1 km qismiga qariyb 1 mlrd. so‘m mablag‘ evaziga asfalt yotqizilib, foydalanishga topshirildi.

Bugun ikki mahalla ahlining ham dillarida quvonch!

Bir so‘z bilan aytganda, bu ezgu ishlar mushkentliklar va mang‘itliklar uchun unutilmas yangi yil sovg‘asi bo‘ldi.