Qabul davomida Gulshan Boboyorova maktabda tashkil etgan tikuvxonasiga qo‘shimcha jihoz olishda amaliy yordam berishni so‘rab murojaat etdi.

Fuqarolar qabulidan so‘ng tuman hokimi tegishlilar hamrohligida ta'lim muassasasida tashkil etilgan tikuvxona holati bilan tanishdi.

Har kimga qilgan mehnatiga yarasha beradi, deganlaridek, maktab o‘quvchilariga bepulga tikuvchilik sirlarini o‘rgatayotgan qahramonimiz o‘quvchilar uchun maxsus maktab formasi hamda turli xildagi kiyimlar tikib, oyiga 10 mln. so'mdan ziyod daromad topayotganligi aniqlandi. 

G.Boboyorovaga tikuvchilik faoliyatini yanada kengaytirish maqsadida qo‘shimcha tikuv mashinasi hamda xom ashyolar olish uchun hokim yordamchisi tavsiyasi bilan davlat tomonidan kredit rasmiylashtirib beriladigan bo'ldi.