✅O‘zbekiston Respublikasi Ichki ishlar vazirining o‘rinbosari general-mayor Bekmurod Abdullayev boshchiligidagi respublika ishchi guruhi Narpay tumanida bo‘lib, O‘zbekiston Respublikasi Prezidentining 2025 yil 3 yanvardagi “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yana-da oshirish bo‘yicha chora-tadbirlar to‘g‘risida”gi PQ-1-sonli qarorining ijrosi bo‘yicha mahallalarda xavfsiz muhitni yaratish va huquqbuzarliklarning barvaqt oldini olish yuzasidan amalga oshirilayotgan ishlar bilan tanishdi.

🏙Dastlab, tumandagi “Sarbozor” mahallasiga tashrif buyurdi.

✅Sektor rahbarlari, “Mahalla yettiligi” hamda mazkur qaror ijrosi yuzasidan masʼul tashkilotlar vakillari ishtirokida “Namunali xavfsiz ko‘cha“ va “Namunali xavfsiz yo‘lak“ joriy etish borasida qilinayotgan ishlar bilan tanishdi.

☄️Shuningdek, mahallada tashkil etilgan elektr energiyasi uchun transformator yig‘ish sexi bilan tanishib, kelgusida tadbirkorlik faoliyatini kengaytirish, aholiga qo‘shimcha ish o‘rinlari yaratish borasida qilinishi kerak bo‘lgan ishlar yuzasidan tegishli tavsiyalar berib o‘tdi.

✅Bundan tashqari, mazkur qarorning mazmun-mohiyatini keng jamoatchilikka faol targ‘ib etish, har bir mahallada huquqbuzarliklarning barvaqt oldini olish, bu borada har bir mahalla xodimining o‘rni bo‘lishi kerakligi taʼkidlandi.