DUNYONI YASHILLIKKA BELAYLIK

🍀Go‘zallik, yaratuvchanlik va kelgusi avlodga g‘amxo‘rlik ajdodlarimizdan bizga meros. An’analarning davomi esa borliqni asrash, ekologik muammolarni bartaraf etishda faollikni talab etadi. Yurtimizda “Yashil makon” umummilliy loyihasi asosida qilinayotgan ishlar ham aynan tabiatni asrash va ekologik toza muhit yaratishga qaratilgan.

🌱Qishloq xo'jaligi xodimlari ham "Yashil makon" umummilliy loyihasiga o'z hissasini qo'shib, belgilangan joyga 2000 tupdan ziyod mevali va manzarali daraxtlar o'tqazdi. Daraxt ekish ishlarida tuman hokimi va sektor rahbarlari ishtirok etib, yig'ilganlarga bunday ezgu ishlarda kuch-g'ayrat tilashdi.

🇺🇿Shuningdek, tuman ichki ishlar xodimlari ham jarayonda faol qatnashib, o'zlariga ajratilgan yerga 500 dan ziyod mevali va manzarali ko'chatlar o'tqazishdi.

👣Hududlarda jarayon qizg'in davom etmoqda...

♻️Hurmatli tumandoshlar, o‘zingiz yashab turgan mahalla, qishloq, ko‘cha hamda  xonadonni chinakamiga yashil hududga aylantirish ishlariga befarq bo‘lmang!