Tumanimizda yoshlar bilan ishlash, ularni har tomonlama qo‘llab-quvvatlash, o'z iqtidorlarini rivojlantirishda keng imkoniyatlar ochib berish borasida tizimli ishlar amalga oshirilmoqda.

Mahallalardagi yoshlarni iqtidoriga ko‘ra saralash, qiziqishlariga binoan kasb-hunar, sport va fan to‘garaklariga yo‘naltirish yoshlar yetakchilarining asosiy ustuvor vazifalaridan sanaladi.

Tuman hokimi sektor rahbarlari, tegishli masʼullar hamrohligida tumandagi 1-sektorda mahallalarda faoliyat yuritayotgan yoshlar yetakchilarining ish-faoliyati yuzasidan muhokama o'tkazdi.

Tanqidiy-tahliliy ruhda o'tgan yig'ilishda "Yoshlar daftari"ga kiritilgan yoshlar bilan ishlash, ularning bandligini ta'minlash, bo'sh vaqtlarini mazmunli o'tkazish va iqtidorlaridan kelib chiqqan holda "Besh tashabbus" olimpiadasida ishtirok etishini ta'minlash, mahallada yoshlar balansini shakllantirish, kasb-hunarga o'qitish, yoshlarga ajratilgan yerlarni tarqatishda munosib yoshlarni aniqlagan holda, ularning daromadini oshirish kabi dolzarb masalalarda so'z yuritildi.

Shuningdek, muloqot davomida, yoshlarni vatanparvarlik ruhida tarbiyalash, ularni harbiy xizmatga jalb qilish masalalari ham muhokama qilindi.

Ish-faoliyati davomida o'ziga yuklatilgan vazifalarni bajarishda sustkashlikka yo‘l qo‘ygan yoshlar yetakchilarining faoliyati tanqid ostiga olinib, tegishli tartibda choralar ko'rish borasida mas'ullarga topshiriqlar berildi.