“Ишбилармон аёл” кўрик-танловининг вилоят босқичида туманимизда фаолият юритиб келаётган  “Юлдуз савдо”  хусусий корхонаси раҳбари, ”Оқтош кўзмунчоқлари” нодавлат-нотижорат мактабгача таълим муассасаси мудираси Шоира Турдибоевага фахрли ўрин насиб этди. 

Ишсиз ёшлар ва хотин-қизлар бандлигини таъминлаш, уларни меҳнат бозорида талаб юқори бўлган касблар ва тадбиркорликка ўқитиш мақсадида кенг кўламли ишлар амалга ошириляпти. Шу мақсадда “Аёллар дафтари”, “Ёшлар дафтари”нинг юритиш бўйича туманда ишчи гуруҳ тузилган. Айни пайтда барча маҳаллаларда ишчи гуруҳ томонидан манзилли ишлар олиб борилмоқда.

Шу кунларда “Ҳуқуқбузарликларга қарши курашиш ва хизмат фаолиятини такомиллаштириш ойлиги” давом этмоқда. Куни кеча туман ички ишлар бўлими, тиббиёт  бирлашмаси, санитария-эпидемиологик осойишталик маркази ходимлари ҳамда жамоатчилик  вакиллари ҳамкорлигида профилактик тадбир ўтказилди. “Мустақиллик” маҳалласининг  жамоат жойлари, кўчалар ва хонадонларда фуқаролар билан суҳбатлар олиб борилди.

Нарпай тумани ҳокими Ботир Жабборов ва барча сектор раҳбарлари “Мирбозор бозори” масъулияти чекланган жамият бозорида бўлиб, аҳоли учун кундалик зарур озиқ-овқат маҳсулотлари нарх-наволари билан танишдилар. 
Сўнг нарх-наво барқарорлигини таъминлаш борасида қилинаётган ишлар ҳақида сўз юритишди.

Батафсил: https://t.me/Narpay_tuman_hokimligi/5024

21 октябрь – Ўзбек тили байрами куни Нарпай туманида кенг нишонланди. Дастлаб, туман ҳокими Ботир Жабборов бошчилигида ташкилот, муассаса раҳбарлари туркий тил асосчиси Алишер Навоий бюсти пойига гулчамбарлар қўйдилар. 
Тадбирнинг тантанали қисми 13-сон болалар мусиқа ва санъат мактабида давом этди. Тадбирда туман ҳокими барчани ушбу қутлуғ сана билан қутлар экан, ўз сўзида буюк мутафаккирнинг ушбу байтини келтириб ўтди.: 
“Турк назмида чу мен тортиб алам,