Туман ички ишлар бўлими ходимлари томонидан ўқувчиларнинг мактабларга келиб-кетишлари, карантин қоидаларига риоя этишлари доимий равишда назорат қилиб борилмоқда. Шу каби ўқувчилар билан ушбу мавзуда суҳбатлар ўтказиляпти.

Пахта йиғим-терими авжида. Вилоят ҳокими Эркинжон Турдимовнинг таъбири билан айтганда, манфаат одамларни далага олиб чиқмоқда. Теримчилар терим пулларини вақтида олаётгани, шу билан бирга илғорлар доимий равишда рағбатлантириб борилаётгани бунинг исботидир.
АТБ “Агробанк” Нарпай филиали ходимлари мавсум бошидан буён теримчиларга совғалар улашишмоқда. Бу гал улар “Ҳақиқат” массивидаги кунига 100 килограммдан ошириб пахта тераётган теримчиларни тақдирлашди.

Таниқли раҳбар, фидойи зиёли, садоқатли дўст Аъзамхон Усмонович Баҳромовнинг бевақт вафоти Самарқанд вилояти жамоатчилиги учун оғир йўқотиш бўлди. Чунки бу инсон вилоятда ишлаш чоғида эзгу фазилатлари билан одамлар кўнглидан жой олган эди. Ғаллаоролда зиёли оилада туғилиб ўсган, яхши тарбия олган А.Баҳромов Тошкентда ўқиб, илм йўлидан бориб олимлик салоҳиятига эришди. Сўнг Вазирлар Маҳкамасида оддий ходимликдан бўлим ва котибият мудири, вазир ўринбосари даражасига эришди. 

1996 йил 18 октябрь куни – Соҳибқирон Амир Темурнинг 660 йиллик юбилейида Самарқанд шаҳри «Амир Темур» ордени билан тақдирланган ва ушбу сана “Самарқанд шаҳри куни” деб белгиланган эди. Чорак асрдирки, бу кун вилоятимизда кенг нишонланиб келинмоқда.
Куни кеча бўлиб ўтган байрам тадбирида Нарпайлик тадбиркор деҳқонлар, маданият ходимлари ва бошқалар иштирок этдилар.

Ўзбек тили байрами олдидан Ёшлар ишлари агентлиги Нарпай тумани бўлими ҳамда Ўзбекистон ёзувчилар уюшмасининг туман бўлими ҳамкорлигида иншолар танлови ташкил этилди.  Уч босқичли танловнинг иккинчи босқич ғолиблари қаламкаш ижодкорлар билан “Китоб олами”  ёшлар кутубхонасида ўтказилган маҳорат дарсларида иштирок этдилар.