Tuman hokimi, sektor rahbarlari Barkamol mahallasida sayyor qabul o‘tkazdilar.

Qabulda fuqarolar tomonidan bandlik, moddiy yordam, tadbirkorlik uchun kredit ajratish masalalarida murojaatlar tushdi.

Iqtisodiy ishlar bo‘yicha Kattaqo‘rg‘on tumanlararo sudi raisi Y.Norbekov tegishli masʼullar ishtirokida bo‘lib o‘tadigan uchrashuvga huquqiy masalalarda muammosi mavjud barcha tadbirkorlarni taklif etamiz.

O‘tkaziladigan vaqti va joyi: Dushanba, 25- iyul soat 17 : 00 da Kattaqo‘rg‘on tumani hokimligi.

Tuman yo‘llardan foydalanish unitar korxonasi hamda obodonlashtirish boshqarmasi xodimlari Yangiariq mahallasidagi Yangiariq qishlog‘i, shu kabi Do‘stlik mahallasining Chorshanba qishlog‘i ko‘chalarini taʼmirlashmoqda.

Xotin-qizlar huquqlarini himoya qilish, ularning bandligini taʼminlash, ayollar tadbirkorligini rivojlantirish borasida sezilarli darajada ish olib borilmoqda. Guliston mahallasida o‘tkazilgan davra suhbatida ham aynan shu masalalarga alohida eʼtibor qaratildi.

TUMANDA “TOZALIK OYLIGI” DAVOM ETMOQDA

Shu kecha-kunduzda tumanimiz bo‘ylab “Tozalik oyligi” davom etmoqda. Tashkilot, korxona va muassasalar, shu kabi mahallalar, guzarlarda hashar uyushtirilib, keng ko‘lamli obodonlashtirish ishlari amalga oshirilyapti. Shu kabi aholi xonadonlari ham tartibga keltirilmoqda.