Tumandagi mahallalar infratuzilmasi bilan bog‘liq eng dolzarb masalalar manzilli dastur va samarali loyihalar asosida tizimli hal etilmoqda. Xususan, mahallalardagi ichki yo‘llar ta’mirlanib, aholining ko‘p yillik muammolarini hal etishga erishilmoqda.

Tumanning 4-sektor hududida joylashgan “Mushkent” va “Baxt” mahallalarida asfalt yotqizish ishlari olib borildi.

Tashabbusli byudjet loyihasi asosida “FAROVON YO‘L SERVIS” xususiy korxonasi xodimlari tomonidan “Mushkent” mahallasining 2,1 km qismiga jami qiymati 1 mlrd 246 mln so‘mlik asfalt yotqizish ishlari yakunlangan bo‘lsa, qo‘shimcha dastur doirasida “Baxt” mahallasidagi 300 metr yo‘lga asfalt yotqizish ishlari amalga oshirildi.

Bu kabi obodlik tadbirlari tumanimizning barcha hududlarida bosqichma-bosqich ravishda davom ettiriladi.