Маълумки, камбағалликни қисқартириш борасида туманда бир қатор ишлар амалга оширилмоқда.  Аксарият хонадонларга субсидия асосида иссиқхоналар қуриб берилди,  қўй-қўзи, парранда тарқатилди. Бундан унумли фойдаланган хонадон эгалари соф даромадга эришиб, оилавий шароитларини анча яхшилаб олдилар.

Самарқанд вилоят экология ва атроф-муҳитни муҳофаза қилиш бошқармаси ҳамда Нарпай туман давлат инспекторлари томонидан ўтказилган рейд кузатувлари давомида ўзларига тегишли бўлган ов қуролларида ов қилиб юрган Нуробод тумани “Нурдим” маҳалласида яшовчи фуқаролар Ш.А ва Н.Д. ларнинг ҳужжатлари текширувдан ўтказилган. Улар  ов йўлланмасининг тегишли устунларини тўлдирмаганликлари аниқланди. 

Туман ҳокими в.б. Шерзод Раҳмонов томонидан ўтказилган сайёр қабулда “Наврўз” маҳалласи аҳли иштирок этди.
Ҳар бир фуқаронинг муаммоси эшитилгач, туман ҳокими имкон қадар масалаларга ечим топиш чораларини кўрди. Жумладан, мутасадди ташкилот раҳбарлари кўмагида мурожаатларнинг аксарияти қаноатлантирилди. Бир қатор масалаларни ҳал этиш борасида мутасаддиларга муддат белгилаб берилди. 

Нарпай туманида яшовчи фуқаро А.Н. хонадонида ов қуролини ўқ-дорилари билан ноқонуний равишда сақлаб келган. Навбатдаги профилактик тадбирда ички ишлар бўлими ходимлари томонидан ушбу қонунбузарлик аниқланиб,  тегишли тартибда ҳужжатлаштирилди.
Ҳозирда терговга қадар суриштириб ишлари олиб борилмоқда.

Туман ҳокими в.б. Шерзод Раҳмонов “Ўзбекистон” маҳалласида яшовчи уюшмаган ёшлар ва хотин-қизлар билан учрашув ўтказди.
Хотин-қизлар ва ёшлар томонидан суюлтирилган газ, тадбиркорлик учун кредит олиш каби масалалар кўтарилди. Муаммолар эшитилгач, мутасадди ташкилот раҳбарлари ёрдамида бу масалаларга ечим топиш чоралари кўрилди.