Нарпай туманида сел, тошқин ва кўчки ҳодисаларини олдини олиш мақсадида йиғма механизациялаштирилган отряд шай ҳолатга келтирилди. Ҳайдовчи ва отряд ходимлари учун барча шароитлар яратилди.

Бугун Нарпайлик ижодкор Хайриддин Бегматов қаламига мансуб "Темур" номли романнинг тақдимот маросими бўлиб ўтди. Унда Ўзбекистон Ёзувчилар уюшмасининг Самарқанд вилояти вакиллари ҳамда Ўзбекистонда хизмат кўрсатган маданият ходими, шоира Хосият Бобомуродовалар иштирок этди.

Нарпай тумани Оқтош шаҳрининг марказида қад кўтарган бугунги кун замон талабларига тўлиқ жавоб берадиган аҳолига маиший хизмат кўрсатиш маркази ҳамда "Қишлок қурилиш банк" Каттакўрғон филиали биноси фойдаланишга топширилди.

Жорий йилнинг 20 апрел куни тумандаги 1-секторда жойлашган Умид маҳалла фуқаролар йиғини ҳудудидаги 32-умумий ўрта таълим мактаби биносида навбатдаги сайёр қабули ўтказилди. Сайёр қабул давомида турли хил масалалар юзасидан 12 нафар фуқаролар муаммоли масаласи юзасидан мурожаат қилди.

Туманда "Обод маҳалла" дастури доирасида олиб борилаётган кенг кўламли ишлар натижасида кўп қаватли уйлар жойлашган Оқтош шаҳрининг "Тинчлик", "Исломобод", "Очил Абдурахимов", "Халқобод", "Бахт" ва "Гулистон" маҳаллаларида бугун аҳоли замонавий тарзда таъмирланган уйлар, болалар майдончалари, иситиш қозонхоналари ва инфратузилма объектлари қисқа муддат ичида тўлиқ тугатилиши кўзда тутилган. Бугунги кунда ишлар жадаллик билан олиб борилмокда.