Махсус имкониятлар
Samarqand viloyati hokimi Erkinjon Turdimov raisligida jinoyat va huquqbuzarliklarga qarshi kurash borasida sektorlar kesimida amalga oshirilayotgan ishlar yuzasidan muhokama o‘tkazildi.
Muhokamada viloyat va barcha shahar-tumanlarning to‘rtta sektor rahbarlari ishtirok etdilar.
Davlatimiz rahbari tashabbusi bilan yuritilishi yo‘lga qo‘yilgan “Temir daftar”, “Ayollar” va “Yoshlar” daftarlaridagi ehtiyojmand aholini qo‘llab-quvvatlash, og‘ir ijtimoiy ahvolga tushib qolgan ayollar va ishsiz qolayotgan yoshlarning muammolarini hal etish borasidagi ishlar ayrim sektor rahbarlari, mahalla raislari va profilaktika inspektorlari tomonidan hanuzgacha to‘g‘ri yo‘lga qo‘yilmagan. Oqibatda mazkur toifadagi shaxslar tomonidan o‘ta og‘ir jinoyatlar sodir etilishiga yo‘l qo‘yilayotganligi viloyat hokimi tomonidan keskin tanqid qilindi.
Alohida eʼtiborga molik notinch oilalar, uyushmagan yoshlar, muammoli ayollar, nazoratsiz voyaga yetmaganlar, ilgari sudlangan shaxslar bilan profilaktik ishlarni kuchaytirish zarurligi taʼkidlandi.
Shuningdek, yig‘ilishda viloyat huquqni muhofaza qiluvchi organlarida xizmat intizomi va qonuniylikka rioya qilish masalalari ham tanqid ostiga olindi.
___________________________________
СЕКТОРЛАР ФАОЛИЯТИГА НАЗАР
Самарқанд вилояти ҳокими Эркинжон Турдимов раислигида жиноят ва ҳуқуқбузарликларга қарши кураш борасида секторлар кесимида амалга оширилаётган ишлар юзасидан муҳокама ўтказилди.
Муҳокамада вилоят ва барча шаҳар-туманларнинг тўртта сектор раҳбарлари иштирок этдилар.
Давлатимиз раҳбари ташаббуси билан юритилиши йўлга қўйилган “Темир дафтар”, “Аёллар” ва “Ёшлар” дафтарларидаги эҳтиёжманд аҳолини қўллаб-қувватлаш, оғир ижтимоий аҳволга тушиб қолган аёллар ва ишсиз қолаётган ёшларнинг муаммоларини ҳал этиш борасидаги ишлар айрим сектор раҳбарлари, маҳалла раислари ва профилактика инспекторлари томонидан ҳанузгача тўғри йўлга қўйилмаган. Оқибатда мазкур тоифадаги шахслар томонидан ўта оғир жиноятлар содир этилишига йўл қўйилаётганлиги вилоят ҳокими томонидан кескин танқид қилинди.
Алоҳида эътиборга молик нотинч оилалар, уюшмаган ёшлар, муаммоли аёллар, назоратсиз вояга етмаганлар, илгари судланган шахслар билан профилактик ишларни кучайтириш зарурлиги таъкидланди.
Шунингдек, йиғилишда вилоят ҳуқуқни муҳофаза қилувчи органларида хизмат интизоми ва қонунийликка риоя қилиш масалалари ҳам танқид остига олинди.
