Махсус имкониятлар
MEHNATKASH ELGA TO‘YLAR YARASHAR
Tumanimiz zarshunoslari zimmalaridagi pilla topshirish rejasini ortig‘i bilan bajarishgani haqida xabar bergan edik. “Samarqand Silk AO” MCHJ negizidagi qabul manzilida ulkan “kumush tola” xirmoni yaratildi.
Shu bois bugun ushbu maskanda katta tantana. To‘g‘ri-da, mehnat muvaffaqiyatiga erishgan elga to‘ylar yarashadi.
Bu yerda pilla yetishtirishga salmoqli hissa qo‘shgan fermerlar, MMTP raislari, ilg‘or pillakorlarni tantanali taqdirlash marosimi bo‘ldi. Bayramni qo‘shaloq nishonlash maqsadida tuman hokimligi tashabbusi bilan ushbu jamiyat homiyligida 11 nafar kam taʼminlangan oilalar farzandlarining xatna to‘ylari ham o‘tkazildi.
Tantanali tadbirda tuman hokimi Sherzod Rahmonov, pillachilik va qorako‘lchilikni rivojlantirish viloyat boshqarmasi boshlig‘i Yodgorbek Jo‘rayevlar so‘zga chiqib, pillakorlarni mehnat g‘alabasi hamda bolalarni xatna to‘ylari bilan muborakbod etdilar. Shu kabi to‘ybolalar va pillachilikda yuqori marralarni zabt etgan fermeru oilaviy pudratchilarga qimmatbaho sovg‘alar topshirishdi.
__________
МЕҲНАТКАШ ЭЛГА ТЎЙЛАР ЯРАШАР
Туманимиз заршунослари зиммаларидаги пилла топшириш режасини ортиғи билан бажаришгани ҳақида хабар берган эдик. “Самарқанд Силк АО” МЧЖ негизидаги қабул манзилида улкан “кумуш тола” хирмони яратилди.
Шу боис бугун ушбу масканда катта тантана. Тўғри-да, меҳнат муваффақиятига эришган элга тўйлар ярашади.
Бу ерда пилла етиштиришга салмоқли ҳисса қўшган фермерлар, ММТП раислари, илғор пиллакорларни тантанали тақдирлаш маросими бўлди. Байрамни қўшалоқ нишонлаш мақсадида туман ҳокимлиги ташаббуси билан ушбу жамият ҳомийлигида 11 нафар кам таъминланган оилалар фарзандларининг хатна тўйлари ҳам ўтказилди.
Тантанали тадбирда туман ҳокими Шерзод Раҳмонов, пиллачилик ва қоракўлчиликни ривожлантириш вилоят бошқармаси бошлиғи Ёдгорбек Жўраевлар сўзга чиқиб, пиллакорларни меҳнат ғалабаси ҳамда болаларни хатна тўйлари билан муборакбод этдилар. Шу каби тўйболалар ва пиллачиликда юқори марраларни забт этган фермеру оилавий пудратчиларга қимматбаҳо совғалар топширишди.
