Махсус имкониятлар
SHOIR VA SANʼATKORLAR NARPAYDA
Respublika Maʼnaviyat va maʼrifat markazi viloyat bo‘limi rahbari Farhod Nazarov hamrohligida “Do‘stlik” ordeni sohibasi, shoira Zulfiya Mo‘minova, O‘zbekistonda xizmat ko‘rsatgan artist Gulbahor Erqulova, estrada xonandasi Baxtiyor Sultonov, O‘zbekistonda xizmat ko‘rsatgan artist Dono Boboxonova, Samarqand viloyat drama teatri aktyorlari Baxtiyor Rahimov, Bahrullo Rahimovlar tumanimizga tashrif buyurdilar. El ardog‘idagi sanʼatkoru shoirlar ishtirokida “Yangi O‘zbekistonda erkin va farovon yashaylik” mavzusida madaniy-maʼrifiy targ‘ibot tadbirlari o‘tkazildi.
Narpay tumanidagi “Dedan”, “Obi hayot”, “Guliston” va “Nog‘oraxona” mahallalarida bo‘lib o‘tgan tadbirlarda shoira hamda teatr aktyorlari yurtimizda amalga oshirilayotgan islohotlar, erishilayotgan yutuqlar, yaratilayotgan imkoniyatlar haqida so‘z yuritishdi. Xonandalar tomonidan esa diltortar qo‘shiqlar ijro etildi.
Taniqli sanʼatkorlar bilan bo‘lgan yuzma-yuz muloqot, ularning ijod namunalari yuzlab hamyurtlarimiz qalbiga zavq-shavq ulashdi, desak mubolag‘a emas.
__________
ШОИР ВА САНЪАТКОРЛАР НАРПАЙДА
Республика Маънавият ва маърифат маркази вилоят бўлими раҳбари Фарҳод Назаров ҳамроҳлигида “Дўстлик” ордени соҳибаси, шоира Зулфия Мўминова, Ўзбекистонда хизмат кўрсатган артист Гулбаҳор Эрқулова, эстрада хонандаси Бахтиёр Султонов, Ўзбекистонда хизмат кўрсатган артист Доно Бобохонова, Самарқанд вилоят драма театри актёрлари Бахтиёр Раҳимов, Баҳрулло Раҳимовлар туманимизга ташриф буюрдилар. Эл ардоғидаги санъаткору шоирлар иштирокида “Янги Ўзбекистонда эркин ва фаровон яшайлик” мавзусида маданий-маърифий тарғибот тадбирлари ўтказилди.
Нарпай туманидаги “Дедан”, “Оби ҳаёт”, “Гулистон” ва “Ноғорахона” маҳаллаларида бўлиб ўтган тадбирларда шоира ҳамда театр актёрлари юртимизда амалга оширилаётган ислоҳотлар, эришилаётган ютуқлар, яратилаётган имкониятлар ҳақида сўз юритишди. Хонандалар томонидан эса дилтортар қўшиқлар ижро этилди.
Таниқли санъаткорлар билан бўлган юзма-юз мулоқот, уларнинг ижод намуналари юзлаб ҳамюртларимиз қалбига завқ-шавқ улашди, десак муболаға эмас.
