Narpayga katta futbol qaytdi

Narpayga katta futbol qaytdi

“ZIRABULOQ” JAMOASI G‘OLIB BO‘LDI

Bugun xabar qilganimizdek, Narpay markaziy o‘yingohida tumanimizning “Zirabuloq” futbol jamoasi Ishtixon tumani jamoasini qabul qildi.

Ikkinchi liga bosqichida to‘p surgan har ikkala jamoa o‘yinga yaxshi tayyorgarlik ko‘rishgan. Murosasiz kechgan birinchi bo‘lim xavfli vaziyatlarga boy bo‘lsada, hisob ochilgani yo‘q.

Ikkinchi bo‘limda yosh iqtidorli o‘yinchimiz Islom Mustafoyev hisobni ochdi. Qisqa vaqt ichida jamoamizning yana bir a’zosi – Elbek Shomurodov raqib darvozasiga ikkinchi golni kiritdi.

Ishtixonliklar ham bo‘sh kelishmadi, albatta. Ikkinchi bo‘lim o‘rtalarida Rahmatullo Narimonov javob to‘pi kiritib, hisobni qisqartirishga erishdi. Lekin bu gol jamoani mag‘lubiyatdan qutqara olmadi.
“Zirabuloq” jamoasi o‘yinchilari raqiblarga imkoniyat qoldirmadi. Bo‘lim oxirida Umid Shukurov uchinchi golga mualliflik qildi.

Xullas, futbolchilarimiz 3:1 hisobda g‘alaba qozondi.

G‘alaba muborak, tumandoshlar!

__________

“ЗИРАБУЛОҚ” ЖАМОАСИ  ҒОЛИБ БЎЛДИ

Бугун хабар қилганимиздек, Нарпай марказий ўйингоҳида туманимизнинг “Зирабулоқ” футбол жамоаси Иштихон тумани жамоасини қабул қилди. 

Иккинчи лига босқичида тўп сурган  ҳар иккала  жамоа ўйинга яхши тайёргарлик кўришган. Муросасиз кечган биринчи бўлим хавфли вазиятларга бой бўлсада, ҳисоб очилгани йўқ. 

Иккинчи бўлимда ёш иқтидорли ўйинчимиз Ислом Мустафоев ҳисобни очди. Қисқа вақт ичида жамоамизнинг яна бир аъзоси – Элбек  Шомуродов рақиб дарвозасига иккинчи голни киритди.

Иштихонликлар ҳам бўш келишмади, албатта. Иккинчи бўлим ўрталарида Раҳматулло Наримонов жавоб тўпи киритиб, ҳисобни қисқартиришга эришди. Лекин бу гол жамоани мағлубиятдан қутқара олмади. 
“Зирабулоқ” жамоаси ўйинчилари рақибларга имконият қолдирмади. Бўлим охирида Умид Шукуров учинчи голга муаллифлик қилди.

Хуллас, футболчиларимиз 3:1 ҳисобда ғалаба қозонди. 

Ғалаба муборак, тумандошлар!