Махсус имкониятлар
OG‘IR VA OLIS HUDUDLARDA
Tumanimizda Andijon tajribasi asosida og‘ir va olis hududlarda “xonadonbay” ishlash tizimi yo‘lga qo‘yildi. Tumanimiz markazidan olisda joylashgan 13 ta og‘ir hudud tanlab olindi. Ulus, Chingizkent, Morkent va Olchin qishloqlarida esa “xonadonbay” tizimda ish boshlandi.
Qishloqlarning ichki yo‘llari taʼmirlanadi, aholi xonadonlari tartibga keltirilib, guzarlar obodonlashtiriladi. Shu kabi hududda yashovchi tadbirkor fuqarolar ichidan sohalar kesimida yetakchilar aniqlanishi ham ko‘zda tutilgan. Har bir yetakchi yon-atrofida yashovchi besh nafardan fuqaroni o‘zining yo‘nalishi bo‘yicha tadbirkorlik qilishiga ko‘maklashadi.
Taʼkidlash lozimki, obodonlashtirish ishlari hashar yo‘li bilan amalga oshiriladi. Shu bois tuman hokimi Sherzod Rahmonov mahalla faollari bilan bo‘lib o‘tgan uchrashuvda barchani birdek obodonlashtirishga hissa qo‘shishga chaqirdi.
Ayni paytda qishloq guzarlarida faollar bilan maslahatlashgan holda ko‘cha oqsoqollari tayinlanmoqda. Xalq deputatlari tuman Kengashi deputatlari esa ularga ko‘makdosh bo‘lib, xonadonma-xonadon yurib, aholi muammolarini o‘rganishadi. Ishsiz fuqarolar bandligini taʼminlash, nogironligi bor, kam taʼminlangan oilalarga ko‘maklashish choralarini ko‘rishadi. Shuningdek, nuragan devorlarni taʼmirlash, oqlash, suv yo‘llarini tozalash uchun hashar uyushtiradilar.
___________
ОҒИР ВА ОЛИС ҲУДУДЛАРДА
Туманимизда Андижон тажрибаси асосида оғир ва олис ҳудудларда “хонадонбай” ишлаш тизими йўлга қўйилди. Туманимиз марказидан олисда жойлашган 13 та оғир ҳудуд танлаб олинди. Улус, Чингизкент, Моркент ва Олчин қишлоқларида эса “хонадонбай” тизимда иш бошланди.
Қишлоқларнинг ички йўллари таъмирланади, аҳоли хонадонлари тартибга келтирилиб, гузарлар ободонлаштирилади. Шу каби ҳудудда яшовчи тадбиркор фуқаролар ичидан соҳалар кесимида етакчилар аниқланиши ҳам кўзда тутилган. Ҳар бир етакчи ён-атрофида яшовчи беш нафардан фуқарони ўзининг йўналиши бўйича тадбиркорлик қилишига кўмаклашади.
Таъкидлаш лозимки, ободонлаштириш ишлари ҳашар йўли билан амалга оширилади. Шу боис туман ҳокими Шерзод Раҳмонов маҳалла фаоллари билан бўлиб ўтган учрашувда барчани бирдек ободонлаштиришга ҳисса қўшишга чақирди.
Айни пайтда қишлоқ гузарларида фаоллар билан маслаҳатлашган ҳолда кўча оқсоқоллари тайинланмоқда. Халқ депутатлари туман Кенгаши депутатлари эса уларга кўмакдош бўлиб, хонадонма-хонадон юриб, аҳоли муаммоларини ўрганишади. Ишсиз фуқаролар бандлигини таъминлаш, ногиронлиги бор, кам таъминланган оилаларга кўмаклашиш чораларини кўришади. Шунингдек, нураган деворларни таъмирлаш, оқлаш, сув йўлларини тозалаш учун ҳашар уюштирадилар.
