Махсус имкониятлар
Hokim tabrigi
BILIMDON YoSHLAR SONI ORTAVERSIN!
Hurmatli hamyurtlar, aziz yoshlar! Barchangizni “Yoshlar kuni” bilan chin dildan tabriklayman.
2017 yilning 30 iyun kuni Yurtboshimiz Shavkat Miromonovich Mirziyoyev “Kamolot” yoshlar ijtimoiy harakatining to‘rtinchi qurultoyida ushbu sanani “Yoshlar kuni”, deb eʼlon qilish taklifini kiritgandi. Taklif delegatlar tomonidan qo‘llab-quvvatlandi va 30 iyun - “Yoshlar kuni” sifatida nishonlanadigan bo‘ldi.
Bu mamlakatimizda yoshlarga qaratilayotgan jiddiy eʼtibor namunasi, Yurtboshimiz tomonidan ularga ko‘rsatilayotgan g‘amxo‘rlik, berilayotgan imkoniyatning yorqin ifodasi, albatta.
Joriy yilning “Yoshlarni qo‘llab-quvvatlash va aholi salomatligini mustahkamlash yili”, deya nomlanishi esa bu ishlarni davomiyligini anglatadi.
Bugungi kunda sport, taʼlim va boshqa sohalarda yutuqlarga erishgan farzandlarimiz munosib rag‘batlantirilayotgani fikrimizning isbotidir. Ulardan ibrat, namuna olgan tengdoshlarining qalbida ham ona Vatanimizga muhabbat, sadoqat tuyg‘ulari uyg‘onmoqda.
Bu yil umumtaʼlim maktablarining 11 sinfini 2788 nafar o‘quvchilar tomomladi. Ular orasidan 35 nafar yigit-qizlar oltin, 4 nafari kumush medalar bilan taqdirlandilar.
Maʼlumki, iyun oyi Respublika miqyosida “Yoshlar oyligi” etib belgilandi. “Yoshlar oyligi” doirasida sport musobaqalari, festivallar, “Zakovat” intellektual o‘yinlari va boshqa ko‘ngilochar tadbirlar o‘tkazildi. Faol ishtirokchilar munosib taqdirlanib borildi.
Bir so‘z bilan aytganda, tumanimiz yoshlarining bilim olish, kasb tanlashlari uchun keng imkoniyatlar yaratilmoqda. Jumladan, tumanimizda Samarqand Chet tillar institutining fakulteti ochilmoqda.
“Yosh kitobxon” tanlovining Respublika bosqichi g‘olibi Mohiniso Shomurodovaning “Zulfiya” nomidagi davlat mukofoti sohibasi bo‘lganligi, Hasan va Husan Nurullayevlar “Mard o‘g‘lon” nishoniga loyiq topilganligi tumanimiz yoshlarining qalblarini faxrga to‘ldirmoqda. Shunday bilimli, iqtidorli yigit-qizlarimiz soni ORTAVERSIN!
Aziz yoshlar!
Barchangizni bugungi bayram bilan yana bir bor samimiy qutlab, sizlarga sihat-salomatlik, xonadonlaringizga fayzu baraka tilayman.
Sherzod RAHMONOV,
Narpay tuman hokimi.
________
Ҳоким табриги
БИЛИМДОН ЁШЛАР СОНИ ОРТАВЕРСИН!
Ҳурматли ҳамюртлар, азиз ёшлар! Барчангизни “Ёшлар куни” билан чин дилдан табриклайман.
2017 йилнинг 30 июнь куни Юртбошимиз Шавкат Миромонович Мирзиёев “Камолот” ёшлар ижтимоий ҳаракатининг тўртинчи қурултойида ушбу санани “Ёшлар куни”, деб эълон қилиш таклифини киритганди. Таклиф делегатлар томонидан қўллаб-қувватланди ва 30 июнь - “Ёшлар куни” сифатида нишонланадиган бўлди.
Бу мамлакатимизда ёшларга қаратилаётган жиддий эътибор намунаси, Юртбошимиз томонидан уларга кўрсатилаётган ғамхўрлик, берилаётган имкониятнинг ёрқин ифодаси, албатта.
Жорий йилнинг “Ёшларни қўллаб-қувватлаш ва аҳоли саломатлигини мустаҳкамлаш йили”, дея номланиши эса бу ишларни давомийлигини англатади.
Бугунги кунда спорт, таълим ва бошқа соҳаларда ютуқларга эришган фарзандларимиз муносиб рағбатлантирилаётгани фикримизнинг исботидир. Улардан ибрат, намуна олган тенгдошларининг қалбида ҳам она Ватанимизга муҳаббат, садоқат туйғулари уйғонмоқда.
Бу йил умумтаълим мактабларининг 11 синфини 2788 нафар ўқувчилар томомлади. Улар орасидан 35 нафар йигит-қизлар олтин, 4 нафари кумуш медалар билан тақдирландилар.
Маълумки, июнь ойи Республика миқёсида “Ёшлар ойлиги” этиб белгиланди. “Ёшлар ойлиги” доирасида спорт мусобақалари, фестиваллар, “Заковат” интеллектуал ўйинлари ва бошқа кўнгилочар тадбирлар ўтказилди. Фаол иштирокчилар муносиб тақдирланиб борилди.
Бир сўз билан айтганда, туманимиз ёшларининг билим олиш, касб танлашлари учун кенг имкониятлар яратилмоқда. Жумладан, туманимизда Самарқанд Чет тиллар институтининг факультети очилмоқда.
“Ёш китобхон” танловининг Республика босқичи ғолиби Моҳинисо Шомуродованинг “Зулфия” номидаги давлат мукофоти соҳибаси бўлганлиги, Ҳасан ва Ҳусан Нуруллаевлар “Мард ўғлон” нишонига лойиқ топилганлиги туманимиз ёшларининг қалбларини фахрга тўлдирмоқда. Шундай билимли, иқтидорли йигит-қизларимиз сони ОРТАВЕРСИН!
Азиз ёшлар!
Барчангизни бугунги байрам билан яна бир бор самимий қутлаб, сизларга сиҳат-саломатлик, хонадонларингизга файзу барака тилайман.
Шерзод РАҲМОНОВ,
Нарпай туман ҳокими.
