Махсус имкониятлар
“Obod qishloq” dasturi doirasida obodonlashtirilayotgan Beklar mahallasi binosi ham qayta taʼmirlandi. Homiylar ko‘magi va xalqning birdamligi evaziga zamonaviy ko‘rinish kasb etgan maskan tantanali tarzda foydalanishga topshirildi.
Tumanning eng olis hududlaridan biri hisoblangan ushbu mahalla faollari ko‘cha va guzarlarning obodonlashtirilgani, suv inshooti qurilib, ichimlik suvi tarmog‘i tortilgani, ijtimoiy soha obyektlarining taʼmirlangani, xullas boshqa ishlarga ham jiddiy eʼtibor qaratilayotganidan minnatdor ekanliklarini bildirdilar.
