Sirojiddin Bozorov 1961 yil tumanimizning Tortuvli mahallasida tug‘ilgan. 1972 yil respublika sport-internatiga o‘qishga kirgan. Internatning 10-sinfida “Paxtakor”ning o‘rinbosarlar jamoasi tarkibida o‘ynagan. 1979 yil 11 avgust kuni u o‘tirgan samolyot Dneprodzerjinsk osmonida boshqa bir samolyot bilan to‘qnashib ketishi natijasida halok bo‘lgan.
Bugun tumanimizning Tortuvli mahallasida tuman hokimligi masʼullari, marhumning yaqinlari, do‘stlari hamda mahalla ahli yig‘ilishib, u insonni xotirlashdi.
Uni tanigan bilganlar va yosh avlod vakillari tashrif buyurganlarga futbolchining hayot yo‘li haqida so‘zlab berishdi.
Tadbir so‘ngida esa masʼullar, marhumga hurmat bajo keltirishib, haykali poyiga gulchambar qo‘yishdi.