Tuman hokimligi hamda tuman prokuraturasi hamkorligida arzonlashtirilgan savdo yarmarkasi tashkil etildi.

Tuman davlat xizmatlari markazi yonida bo‘lib o‘tgan savdo yarmarkasi shu hududda yashovchi aholi va davlat xizmatchilari uchun qulaylik yaratdi deyish mumkin.

Tuman ekologiya va atrof-muhitni muhofaza qilish nazorat inspeksiyasi xodimlari tomonidan olib borilgan navbatdagi kuzatuv tadbirlari jarayonida Tinchlik mahallasi hududida sunʼiy chiqindixona hosil bo‘lganligi  aniqlandi.

Narpay tuman madaniyat bo‘limi hamda xalq taʼlimi bo‘limi hamkorligida 55-umumtaʼlim maktabida”Zakovat” intellektual o‘yini tashkil etildi. Bunda o‘quvchilar va  o‘qituvchilardan tarkib topgan jamoalar bellashdilar.

Qizg‘in bahslar natijalariga ko‘ra, o‘qituvchilar jamoasi g‘olib bo‘ldi.
_________

Tumanda yil boshidan buyon 62 ta yer uchastkasi tadbirkorlik tashkil qilish maqsadida e-auksion.uz elektron savdo platformasi orqali sotilgan. Shundan 47 tasida xizmat ko‘rsatish sohasi yo‘lga qo‘yilishi kerak. Ayni paytda esa 42 ta xizmat ko‘rsatish obyektlari ishga tushdi.

Tuman prokurori – ikkinchi sektor rahbari Jahongir Bozorov masʼul tashkilotlar rahbarlari ishtirokida Xo‘jakorzon mahallasi fuqarolari uchun sayyor qabul o‘tkazdi.

Qabul davomida fuqarolar tomonidan kadastr, ichimlik suvi, bandlik masalalarida murojaatlar tushdi.