Tuman hokimi Ipak yo‘li mahallasida xonadonma-xonadon yurib, aholi muammolarini o‘rgandi.

Fuqarolar tomonidan suyultirilgan gaz taʼminotidagi uzilishlar, bandlik, kredit, moddiy yordam olish masalalarida murojaatlar tushdi.

Taʼkidlash lozimki, keyingi paytlarda bir qancha ichki yo‘llar taʼmirlandi. Tuman yo‘llardan foydalanish unitar korxonasi xodimlari shu kunlarda Muqimiy mahallasining asosiy ko‘chasiga asfalt yotqizishmoqda.

Qisqa muddatda amalga oshirilayotgan bu kabi ishlardan aholi minnatdor.
_________

Tuman ichki ishlar organlari Probatsiya guruhida  nazoratdagi shaxslar ishtirokida profilaktik suhbat o‘tkazildi. Unda  viloyat IIB Probatsiya bo‘limining muhim topshiriqlar bo‘yicha katta inspektori Yahyo Fayziyev, tuman IIB boshlig‘i o‘rinbosari Akmal Hasanovlar ham ishtirok etdilar.

Avval xabar qilganimizdek shu kunlarda mamlakatimizda “Keksalar haftaligi” o‘tkazilmoqda.

Tuman hokimi masʼullar hamrohligida mehnat faxriylari va yakka-yolg‘iz keksalar holidan xabar oldi.

Keksa avlod vakillariga ehtirom ko‘rsatilib, sovg‘alar ulashildi.

Tuman madaniyat bo‘limi xodimlari paxta dalalarida bo‘lib, terimchilar uchun jonli ijrodagi konsert dasturlarini namoyish etishmoqda.

Egatlar oralab qo‘shiq kuylayotgan sanʼatkorlar xizmatidan barcha mamnun.
_______