Ўзбекистон Республикаси Президентининг 2017 йил 12 январдаги “Китоб маҳсулотларини чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш бўйича комиссия тузиш тўғрисида”ги фармойиши эълон қилинган. Ушбу фармойиш ижросини таъминлаш мақсадида, республикамиз миқёсида жойларда “Китоб сайли” бўлиб ўтмоқда.

Нарпай туманида ногиронлиги бўлган эҳтиёжманд фуқароларни моддий ва маънавий қўллаб-қувватлаш мақсадида 2018 йил 30 май куни туман ҳокимлиги ташаббуси билан туман марказидаги “Ёшлар истироҳат боғи”да хайрия тадбири бўлиб ўтди. Тадбирда туман ҳокимлиги, Прокуратура, Ички ишлар бўлими, Давлат солиқ инспекцияси, Тиббиёт бирлашмаси ва “Ёшлар иттифоқи” туман Кенгаши вакиллари иштирок этишди.

Нарпай туманида 9 май -  Хотира ва Қадрлаш куни билан, Иккинчи жаҳон урушида қозонилган буюк Ғалабанинг 73 йиллигига бағишлаб, 2018 йил 8 май куни янгидан барпо этилган, Мотамсаро она ҳайкалининг очилиш маросими бўлиб ўтди.

Туман ҳокимлигининг ташаббуси билан 2018 йил 2 декабр куни "3 декабр - Халқаро ногиронлар куни" муносабати билан тумандаги "Чинниобод" тўйлар масканида тадбир ташкил этилди. Тадбирда байрамона дастурхон безатилиб, ногиронлиги бўлган фуқароларимизга ногиронлар аравачаси, қўлтиқтаёқ, ҳасса ҳамда эшитиш мосламалари тарқатилди.

1 декабр – “Бутун жаҳон ОИТСга қарши курашиш куни” муносабати билан “Биз ёшлар гиёҳвандликка қаршимиз” шиори остида ОИТСнинг салбий оқибатлари мавзусида "Энг яхши расмлар" танлови ҳамда ҚВЗ  танловининг туман финал босқичи ўтказилди.