Кейинги икки ой давомида Нарпай туман йўллардан фойдаланиш унитар корхонаси томонидан амалга оширилган ишлар таҳсинга сазавор. Йўлсозлар “Мустақиллик”, “Сарбозор”, “Чорбоғ”, “Наврўз”, “Дўстлик” ва бошқа маҳаллалар ички йўлларини таъмирлашди. Қисқа муддатда 20,4 километр йўлга тўлиқ асфальт ётқизилди.

Нарпай туман Экология ва атроф -муҳитни муҳофаза қилиш соҳасидаги назорат инспекцияси ташабуси билан "Тинчлик"   маҳалласи  ҳудудидидан оқиб ўтувчи "Қазоқ ариқ " канали ёқасида   ҳосил бўлган сунъий чиқиндихона тозаланди.   “Тоза ҳудуд” ДУК  туман филиалининг махсус техникаси ёрдамида  чиқиндилар ташиб чиқарилди. 
Шу каби маҳалла фуқоралари ўртасида атроф-муҳитни тоза сақлаш борасида тарғбот ишлари олиб борилди.

Нарпай туман ҳокими Ботир Жабборов “Қозиёқли” маҳалласида яшовчи уюшмаган ёшлар ва хотин-қизлар билан учрашиб, уларнинг муаммоларини ўрганди. Мақсад  банд бўлмаган ёшлар ҳамда хотин-қизларни иш билан таъминлаш, қийнаб келаётган муаммоларига ечим топишдан иборат.
Учрашувда тадбиркорлик фаолиятига қўл ураётган бир қатор ёшлар тижорат банкларидан кредит ажратилишида амалий ёрдам сўраб мурожаат этдилар. Муаммолар жойида ҳал этилди.

 “Ишбилармон аёл” кўрик-танловининг вилоят босқичида туманимизда фаолият юритиб келаётган  “Юлдуз савдо”  хусусий корхонаси раҳбари, ”Оқтош кўзмунчоқлари” нодавлат-нотижорат мактабгача таълим муассасаси мудираси Шоира Турдибоевага фахрли ўрин насиб этди. 

Ишсиз ёшлар ва хотин-қизлар бандлигини таъминлаш, уларни меҳнат бозорида талаб юқори бўлган касблар ва тадбиркорликка ўқитиш мақсадида кенг кўламли ишлар амалга ошириляпти. Шу мақсадда “Аёллар дафтари”, “Ёшлар дафтари”нинг юритиш бўйича туманда ишчи гуруҳ тузилган. Айни пайтда барча маҳаллаларда ишчи гуруҳ томонидан манзилли ишлар олиб борилмоқда.